اللہ تعالیٰ کی عبادت کرو تاکہ اللہ تعالیٰ تمہیں جنت دے سکے کہنا کیسا ؟

 مفتی صاحب کی بارگاہ میں ایک عرض ہے کہ یہ جملہ کہنا کیسا 

”” اللہ تعالیٰ کی عبادت کرو تاکہ اللہ تعالیٰ تمہیں جنت دے سکے ““

محمد وسیم عطاری گدرپور

*┄┅═❁🌼﷽🌼❁═┅┄*

*الــــجــــــواب بـــعــون الـلّٰـه الــعـليم الـوهـاب وهـو الـمـوفـق لــلـــحـــق والـــــــــــصـــــــــــــواب :*

*بے شک الله تعالى کی عبادت کی جزا جنت ہے، کتاب و سنت کی تعلیمات کا یہی اساسی مقصد ہے. ہاں کہنے والے نے لفظ "دے" کے بعد اپنی جہالت یا غفلت سے لفظ "سکے" بڑھادیا جو غلط و ناروا اور مقدمات ترتیب دیجیے تو کفر انجام ہے، لیکن کہنے والے مسلمان کے وہم و گمان میں بھی شاید یہ بات نہیں ہوگی کہ رب کریم و رحیم مومن کو بعدِ ایمان مزید کوئی عبادت نہ کرنے کی وجہ سے جنت نہیں دے سکتا، بلکہ حسنِ ظن یہ ہے کہ اس نے جو کہا وہ ترغیب و ترہیب کے لیے کہا، اگرچہ وہ الفاظ کا درست انتخاب نہ کرسکا، لہٰذا مذکورہ جملہ کہنے والے سے زیادہ چھیڑ چھاڑ نہ کی جائے اور نہ اس کی ایسی سخت مذمت و تردید کی جائے جس سے وہ بدک جائے، بلکہ اس کو اچھے انداز سے بتایا جائے کہ وہ اپنی اس بات سے رجوع کرلے اور آئندہ اس قسم کے جملے نہ بولے. رب کریم کی شانِ غفاری تو یہ ہے :*

*اِنَّ اللّٰهَ لَا یَغْفِرُ اَنْ یُّشْرَكَ بِهٖ وَ یَغْفِرُ مَا دُوْنَ ذٰلِكَ لِمَنْ یَّشَآءُ وَ مَنْ یُّشْرِكْ بِاللّٰهِ فَقَدِ افْتَرٰۤى اِثْمًا عَظِیْمًا. (سورة النساء ،آية 48)*

*بے شک الله اس بات کو نہیں بخشتا کہ اس کے ساتھ شرک کیا جائے اوراس سے نیچے جو کچھ ہے جسے چاہتا ہے معاف فرما دیتا ہے اور جس نے الله کا شریک ٹھہرایا توبے شک اس نے بہت بڑے گناہ کا بہتان باندھا. وَالـلّٰـهُ تَـعَـالٰـي أَعْـلَـمُ بِـالـصَّـوَابِ.*

*🖊️كــتـــــــــــــــــــــبـــــــــــــــه الــــفـــــقـــــــيــــــر إلـــــــي ربـــــــــــــه الــــقــــديــــر :*

*أبـو الـحـسَّـان مُـحَـــمَّــــد اشــــتـــيـــاق الـــقـــادري.*

*خـادم الإفـتـاء والـقـضـاء بـــجـــامــعـة مـديـنــة الـعــــــلـم ،كـــبـــيـــــر نــگــر ،دهــــــــلـي 94.*

*📞رابطه :*

*7982911611*

*9758897786*