.png)
علماءکرام کی بارگاہ میں عرض ہےکہ جوسرکارغوث اعظم کایہ واوقعہ ہےکہ بارہ برس کی دریامیں ڈوبی ھوئی کشتی دولھادلھن وباراتی کی کشتی تیرائی اورنکالی اوردولھاودلھن اورباراتی سب زندہ کردیےکیااس واقعےکی کوئی اصل ہےاگرہےتومعتبرکتاب کےحوالےجواب عنایت فرمائیں عین نوازش ھوگی
المستفتی: انصاراحمدقادری نوابگنج بریلی شریف
الــجـواب بـعـون الـلـه الـعـليم الـوهـاب وهـو الـمـوفـق لـلـحـق و الــصـواب :
اعلیٰ حضرت قدس سرہ العزیز فرماتے ہیں
روایت اگرچہ نظر سے کسی کتاب میں نہ گزری مگر زبان پر مشہور ہے، اور اس میں کوئی امر خلافِ شرع نہیں، اس کا انکار نہ کیا جائے. (فتاویٰ رضويه ،جلد 29 ،ص 629)
یہی فقیر قادری کا حال ہے کہ اس روایت کو ہم ایک زمانہ سے سنتے رہے ہیں، لیکن آج تک اس روایت کا کسی معتبر و مستند کتاب میں کوئی نشان و اثر نہیں پایا، اب چونکہ اس روایت میں کوئی بات خلافِ شریعت موجود نہیں ہے، لہٰذا امکان کا انکار نہیں کیا جاسکتا، اور اسی امکانی حیثیت سے تقریر و شعر میں اس کو بیان کیا جاسکتا ہے، لیکن تاریخی اور اسنادی اعتبار سے ہمارے پاس اس کا کوئی ثبوت نہیں ہے، لہٰذا اس حیثیت سے ہمارے نزدیک یہ روایت موضوع و من گھڑت ہے. وَالـلّٰـهُ تَـعَـالٰـي أَعْـلَـمُ بحقيقة الحال وإليه المرجع فى الحال والمآل.
كــتـــــــــــــــــــــبـــــــــــــــه الــــفـــــقـــــــيــــــر إلـــــــي ربـــــــــــــه الــــقــــديــــر :أبـو الـحـسَّـان مُـحَـــمَّــــد اشــــتـــيـــاق الـــقـــادري.
خـادم الإفـتـاء والـقـضـاء بـــجـــامــعـة مـديـنــة الـعــــــلـم ،كـــبـــيـــــر نــگــر ،دهــــــــلـي 94
.png)
.png)
.png)
.png)
